Área contable

Unha correcta contabilización das operacións económicas dunha empresa é imprescindible para poder tomar decisións correctas en materia fiscal, económica ou financeira. E é que a contabilidade, para unha compañía, non é só o rexistro de datos e movementos económicos, senón que supón unha ferramenta fundamental para conformar argumentos, razóns, hipóteses, conclusións e, en definitiva, para posibilitar un goberno racional da organización.
Desde a súa área contable, Verdía Asesores y Consultores ofrece servizos para levar contabilidade axustada aos criterios, normas de valoración e principios legalmente establecidos e tecnicamente adecuados. Todo isto contribúe a unha apropiada visión patrimonial e financeira e permite realizar análises comparativas tanto históricas como sectoriais.

• Asesoramento contable de carácter permanente.
• Gravación de apuntamentos contables.
• Confección de conta de perdas e ganancias mensual ou trimestral.
• Elaboración de balance de situación mensual ou trimestral.
• Xeración dunha previsión de cobros-pagamentos mensual.
• Entrega de datos para a confección das declaracións fiscais periódicas.
• Proceso de regularización e peche contable do exercicio económico.
• Listaxes de libros oficiais.
• Execución da confección dos libros e a súa legalización no Rexistro Mercantil.